Барселона домаќин на Копа Надал, традиционален натпревар во пливање

Во Барселона, Шпанија, денес се одржа традиционалниот натпревар во пливање Копа Надал, јавува Анадолу.

Tрката, која на шпански е позната и како Копа Навидад (Божиќен куп), учесниците ја започнаа во пристаништето Барселона, Шпанија, на 25 декември 2025 година.

Копа Надал традиционално се одржува во Барселона секој 25 декември, на католички Божиќ, а се состои од пливање 200 метри во отворени води во старото пристаниште во Барселона.

Почетоците на трката датираат од 1907 година, што го прави прво натпреварување во пливање одржано во Шпанија и еден од најстарите спортски настани во Барселона и во Европа.

Особеноста на трката е што се одржува среде зима, кога температурите се најниски во Барселона.

Во повеќе наврати трката се одржувала на дожд, па дури и на снег. Вообичаено е да се видат многу пливачи како ја изведуваат трката облечени во божиќни костими.

Трката, организирана од Клубот Натасио Барселона, е многу популарна, учеството е бесплатно, а отворена е за луѓе од сите возрасти, кои се натпреваруваат во различни категории во зависност од возраста.