„Околу 17.000 деца во Газа живеат без еден или двајца родители“

ГАЗА (АА) - Околу 17.000 деца во Појасот Газа сега живеат без еден или двајцата родители поради убиства или апсења извршени од израелските сили од 7 октомври, јавува Анадолу.

Генералниот директор на Канцеларијата за медиуми во Газа, Исмаил ал-Тавабтех, на прес-конференцијата во болницата Ал Акса рече дека „околу 17.000 палестински деца во Појасот Газа живеат без родители од почетокот на геноцидот, а некои од нив ги изгубиле двајцата родители“.

Ал-Тавабтех рече дека бројот на убиени деца „од почетокот на геноцидот“ се искачил на 12.150.

Тој, исто така, истакна дека за време на војната биле убиени или исчезнати 35.000 луѓе.

„Окупацијата уништи десетици трупови и ги украде нивните витални органи, а подоцна некои од нив беа вратени и закопани во масовни гробници на југот на Појасот Газа“, додаде тој.

Ал-Тавабтех рече дека повеќе од 700.000 раселени лица се здобиле со заразни болести поради тешките услови.