Турција: Во Ван запленети речиси 438 килограми хероин

ВАН (АА) - При претрес на камион во местото Озалп, во турската област Ван, откриени се 437 килограми и 942 грама хероин, јавува Anadolu Agency (AA).

Од Полициската управа на Ван информираат дека во тек се операции против трговијата, дистрибуцијата и складирањето на опојни дроги.

Полицајците во Ван запреле сомнително возило на излезот од местото Озалп.

За време на претресот откриени се 19 канистери во кои се наоѓале 404 килограми и 345 грама течен хероин, а 33 килограми и 597 грама дрога биле распоредени во 33 пакувања.

Во операцијата се приведени две лица под обвинение за трговија и дистрибуција на опојни дроги.