Mинистерот за надворешни работи на Сирија пристигна во САД во прва посета по 25 години

ИСТАНБУЛ (АА) - Сирискиот министер за надворешни работи Асад ал-Шајбани денес пристигна во Вашингтон во прва официјална посета на САД по 25 години, соопштија локалните медиуми, пренесува Анадолу.

Државната телевизија Ал-Икбарија, повикувајќи се на извори од Министерството за надворешни работи, соопшти дека Ал-Шајбани и неговата придружна делегација пристигнале во Вашингтон во „историска официјална посета“.

Според американскиот новински медиум „Аксиос“, сирискиот министер треба да разговара со американските сенатори за трајно укинување на санкциите „Цезар“ за Сирија.

Не е даден веднаш коментар од САД за посетата на Ал-Шајбани.

Законот за цивилна заштита „Цезар Сирија“, потпишан од тогашниот американски претседател Доналд Трамп во 2019 година и спроведен во јуни 2020 година, е закон со кој се проширија санкциите врз режимот на Башар ал-Асад за да се изолира од меѓународната заедница поради неговите воени злосторства врз цивилите.

Асад, кој владееше со Сирија речиси 25 години, избега во Русија кон крајот на 2024 година, со што заврши децениското владеење на партијата Баас, кое започна во 1963 година.

По падот на Асад, во Сирија беше формирана нова преодна администрација предводена од претседателот Ахмад ал-Шара.