USFK: Северна Кореја поседува балистички ракети кои се закана за САД

СЕУЛ (АА) - Командата на американските сили во Кореја (USFK) соопшти дека Северна Кореја поседува интерконтинентални балистички ракети „Квасонг-15“ (ICBM), кои можат да стигнат до кој било дел на територијата на САД, пренесува Anadolu Agency (AA).

Властите на Северна Кореја веќе неколку години тврдат дека поседуваат проектили со кои можат да ја загрозат територијата на САД, а соопштението на Командата на американските сили во Кореја е прво признание на тие тврдења од американската страна.

Американските сили во Кореја, во соопштението што го пренесува јужнокорејската агенција „Јонхап“, наведоа дека проектилот „Квасонг-15“ има домет до 12.874 километри, односно 8.000 милји.

Подетални спецификации на далекометниот балистички проектил на Северна Кореја се извршени во годишната публикација на американските сили „2019 Strategic Digest“.

Војската на Северна Кореја тестирачкото лансирање на проектилот ICBM го изврши кон крајот на ноември 2017 година.

Северна Кореја поседува уште два типа на далекометни балистички ракети, и тоа „Квасонг-13“, со максимален домет до 5.500 километри и „Квасонг-14“, која може да прелета 12.874 километри.