Авионска несреќа во САД: Загинаа 3 лица

ЊУЈОРК

Како резултат на рушење на мал авион во американската сојузна држава Јута, животот го загубија три лица, меѓу кои и едно бебе, пренесува Агенција Анадолија (АА).

Според вестите на американските медиуми, малиот авион од типот „Piper PA-32“ во кој се наоѓале 6 лоца, се сруши во Солт Лејк Сити.

Се вели дека во несреќата загинаа 3 лица, од кои еден пилот, една жена и едно бебе.

Според соопштеното, во авионската несреќа повредени се и три лица, од кои 2 деца.

Како резултат на несреќата, оштетени се и 3 куќи, додека повредена е и една постара жена која се наоѓала во една од овие оштетени куќи.