Американската полиција трага по осомничениот за вооружен напад во Кливленд

ЊУЈОРК (АА) - Американската полиција трага по осомничениот што пукаше и рани девет лица за време на вооружениот напад што се случи вчера во еден ноќен клуб во центарот на Кливленд, во американската сојузна држава Охајо, пренесува Анадолу.

„Во престрелката нема убиени“, соопшти Вејн Драмонд, шеф на полицијата на Кливленд.

Непознатиот напаѓач, кој сѐ уште е во бегство, пукал кон масата луѓе во централниот дистрикт на Кливленд.

Полицијата ги следи трагите и продолжува со потерницата по напаѓачот, кој во полицискиот извештај се опишува како „црнец облечен во темна облека“.

Според податоците што ги собра Архивот за вооружени напади на САД, вооружените напади во оваа земја доживеаја рекордно ниво во првата половина од оваа година, со регистрирани повеќе од 330 напади.