Бајден се состана со израелскиот премиер Лапид

КУДС (АА) – Претседателот на Соединетите Американски Држави (САД), Џо Бајден, за време на официјалната посета на Израел се сретна со премиерот Јаир Лапид, јавува Агенција Анадолија (АА).

Во соопштението на службата за односи со јавноста на Кабинетот на премиерот на Израел се наведува дека Бајден и Лапид се сретнале во западен Ал Кудс (Ерусалим).

Се очекува по средбата да се одржи прес-конференција.

Американскиот претседател би требало да се состане и со израелскиот претседател Исак Херцог и со лидерот на опозицијата, Бенјамин Нетанјаху.