Во Германија започна отстранувањето на бомба тешка два тона

БЕРЛИН (АА) - Специјалниот деминерски тим денес во северозападниот германски град Падерборн започна да работи на отстранување на речиси два тона тешка бомба останата од периодот на Втората светска војна, јавува Anadоlu Agency (AA).

Властите наредија евакуација на луѓето во радиус од километар и пол околу бомбата, па рано утринава беа евакуирани повеќе од 26.000 лица.

Меѓу евакуираните се и пациентите на две болници, персонал од локалниот универзитет и штитеници на неколку домови за стари лица.

Евакуирано е и населението од стариот градски центар.

Бомбата е пронајдена пред десет дена за време на работа во семејна градина. Откриена е на длабочина од цели 80 сантиметри и претставува голема опасност.