Во најновите израелски напади врз Либан убиени се девет лица, 47 се повредени

ИСТАНБУЛ (АА) - Во новиот бран израелски напади врз Јужен Либан убиени се најмалку девет лица, а 47 се повредени, соопштија либанските медиуми денес, пренесува Анадолу.

Три лица се убиени, а 18 се повредени во израелскиот напад врз градот Хабуш во Набатија, објави либанската Национална новинска агенција (ННА), повикувајќи се на Министерството за здравство.

Во друг израелски напад врз кружниот тек Ал-Алам во Тир повредени се 24 лица, се наведува во соопштението.

Во израелскиот напад врз палестинскиот бегалски камп Миех Миех убиени се две лица, а четворица се повредени, додека во напад врз Адлун во Сидон убиени се четири лица, а едно лице е повредено.

Израелската армија врши воздушни напади врз Либан и започна копнена офанзива во јужниот дел на земјата по прекуграничниот напад на либанската група Хезболах на 2 март.

Либанските власти велат дека најмалку 1.072 лица се убиени, а 2.966 се повредени во израелските напади.

Тензиите ескалираа откако на 28 февруари започнаа американските и израелските напади врз Иран.

Иран возврати со напади со беспилотни летала и ракети насочени кон Израел и земјите од Персискиот Залив каде што се наоѓаат американски воени бази.