Во последните 18 години во Авганистан загинаа 2.500 американски војници

ИСТАНБУЛ (АА) - Соединетите Американски Држави (САД) во Авганистан во изминатите 18 години изгубија 2.433 војници, пренесува Anadolu Agency (AA).

На интернет-страницата на независната набљудувачка куќа „icasualties“, со седиште во американската сојузна држава Џорџија, објавени се податоци за периодот од 2001 до јули 2019 година.

Објавено е дека во тој период во Авганистан загинале 2.433 американски војници, а дека ранети се околу 20.000 војници.

Според податоците на „icasualties“, минатата година во Авганистан загинале 14 американски војници, а во првата половина од оваа година 16.

По 11 септември 2001 година, кога во утринските часови се случија координирани терористички напади на Ал Каеда на Њујорк и Вашингтон, во Авганистан се испратени 100.000 војници кои делуваа во рамките на „меѓународните коалициски сили“. Меѓу нив 70.000 беа американски војници.