Ayhan Şimşek
03 Октомври 2019•Ажурирај: 04 Октомври 2019
БЕРЛИН
Германија денеска, со официјални прослави во северниот град Кил, ја одбележува 29. годишнина од Денот на германското единство, јавува Anadolu Agency (AA).
Германската канцеларка Ангела Меркел, за време на својот говор ја поздрави „Мирната револуција“, која стави крај на комунистичкото владеење во Источна Германија пред 30 години, но исто така, го потврди и разочарувањето на многу Германци од Источна Германија денес.
„Анкетата на претставниците покажува дека мнозинството источни Германци се чувствуваат како граѓани од втор ред денес во Германија“, рече Меркел, додавајќи дека помалку од половина од нив се задоволни од демократскиот систем.
„Мораме да разбереме подобро зошто за многу граѓани во источногерманските држави, обединувањето не им е позитивно искуство“, рече Меркел, која е израсната во поранешна Источна Германија.
Таа истакна дека и покрај многуте достигнувања во последните три децении, треба многу да се направи за да се надминат континуираните поделби меѓу Источна и Западна Германија.
„Германското единство не е статички услов, тој е континуиран процес, постојана мисија за сите Германци“, истакна таа.
Денот на германското единство, кој секоја година се одржува на 3 октомври, ја одбележува годишнината од официјалното обединување на Западна Германија и поранешната комунистичка Источна Германија во 1990 година, една година по падот на Берлинскиот ѕид.
