Градоначалникот на Киев најави нов 35-часовен полициски час поради руските напади

КИЕВ (АА) - Киев ќе воведе нов 35-часовен полициски час од понеделник навечер до среда наутро, најави градоначалникот на главниот град на Украина, пренесува Агенција Анадолија (АА).

Градоначалникот Виталиј Кличко рече дека полицискиот час ќе почне во 20 часот по локално време и ќе трае до 7 часот изутрина во среда.

Продавниците, аптеките и бензинските пумпи ќе бидат затворени за време на полицискиот час, а на возилата нема да им биде дозволено да се движат во градот, освен на оние со посебна дозвола.

Првиот 35-часовен полициски час во главниот град на Украина, Киев, беше објавен на 15 март.

Во меѓувреме, најмалку осум лица загинаа кога во руското гранатирање беше погоден трговскиот центар во Киев доцна во неделата, според локалните власти.

Најмалку 902 цивили загинаа досега во Украина, а 1.459 се повредени, според проценките на ОН. Од ОН велат дека бројките на жртвите се веројатно многу поголеми бидејќи условите на терен ја отежнуваат проверката.

Војната на Русија во Украина протера 10 милиони луѓе од своите домови или расели внатре во земјата или како бегалци во странство, според Агенцијата за бегалци на ОН.