Ерменскиот премиер Пашинјан не планира да даде оставка

ЕРЕВАН

Премиерот на Ерменија, Никол Пашинјан, истакна дека не планира да поднесе оставка, пренесува Агенција Анадолија (АА).

Пашинјан на прес-конференцијата што ја одржа преку видеоконференција го оцени поразот од Азербејџан во Нагорно Карабах.

Истакнувајќи дека тој е одговорен за поразот на Ерменија во Нагорно Карабах, Пашинјан рече: „Јас разбирам дека сум најмногу одговорен за ситуацијата. Затоа, ако треба да одам на суд, ќе одам.“

На прашањето за повиците за негова оставка и дали ќе направи чекор во таа насока, Пашинјан рече: „Мојата агенда е само да обезбедам стабилност и безбедност на земјата.“

На прашањето „Дали се понудени различни договори од Ерменија во различни периоди на војната?“, Пашинјан рече:

„Не, не беа доставени различни документи. Продолжи логиката пред војната, вклучително и Суша да биде дадена на Азербејџан. Ситуацијата од 2016 година беше таква. Ерменската страна мораше да ги одложи овие предлози. Можевме да ја спречиме војната ако се согласевме да ги напуштиме тие територии, но се решивме да војуваме.“