Turgut Alp Boyraz
07 Декември 2017•Ажурирај: 07 Декември 2017
ЕРУСАЛИМ (АА) - Во окупираниот Источен Ерусалим се одржуваат протести против одлуката на претседателот на САД, Доналд Трамп, за признавање на Ерусалим како главен град на Израел, јавува Anadolu Agency (AA).
Палестинците се собраа кај Портата Дамаск, еден од главните влезови во стариот дела на градот, Источен Ерусалим, за да протестираат против одлуката на претседателот на САД, Трамп, за признавање Ерусалим како главен град на Израел.
Израелската полиција интервенираше против Палестинците кои извикуваа пароли како: „Ќе го жртвуваме животот и крвта за Ерусалим“. Продолжуваат тензиите на ерусалимските улици.
Десетици израелски полицајци се позиционирани на критичките точки во окупираниот Источен Ерусалим.
- Демонстрации на Западниот Брег
Од друга страна, се одржуваат демонстрации и на повеќе места на Западниот Брег. Израелските војници интервенираа против демонстрациите во Ел Халил.
Според очевидците, израелските војници користеле солзавец, како и вистински и гумени куршуми, а Палестинците одговориле со камења.
