Земјотрес со јачина од 5,5 степени ја погоди Јапонија

ТОКИО

Земјотрес со јачина од 5,5 степени ги погоди островите Хачиџо кои се наоѓаат во југоисточниот дел на Јапонија, пренесува Агенција Анадолија (АА).

Информацијата со соопштение ја потврди Агенцијата за метеорологија на Јапонија.

Земјотресот се случил во 13:20 часот по локално време на вулканските острови Хачиџо.

Во соопштението се наведува дека земјотресот со јачина од 5,5 степени бил на длабочина од 10 километри.

По земјотресот, јапонската Агенција за метеорологија не даде аларм за цунами.