Земјотрес со јачина од 6,5 степени го потресе Тајван, нема повредени

ТАЈПЕИ

Североистокот на Тајван денес го потресе земјотрес со јачина од 6,5 степени по Рихтеровата скала, јавува Агенција Анадолија (АА).

Во главниот град Тајпеи се тресеа зградите, но нема податоци за повредени.

Земјотресот е забележан во 13:11 часот по локално време. Епицентарот бил во близина на Јилана, град околу 35 километри источно од Тајпеи, во близина на североисточниот брег, според Централниот метеоролошки центар.

Неколку секунди подоцна следуваше земјотрес со јачина од 5,4 степени по Рихтеровата скала.

Метрото привремено не работи, а нема извештај за материјална штета.