Aşkın Kıyağan
29 Септември 2019•Ажурирај: 30 Септември 2019
ВИЕНА (АА) - Излезните анкети на вонредните парламентарни избори одржани денес во Австрија покажуваат дека најмногу гласови, 37 отсто, добила Народната партија (OVP), предводена од поранешниот канцелар Себастијан Курц, јавува Anadolu Agency (AA).
Гласачките места низ Австрија беа отворени во 7 часот утринава, а се затворија во 17 часот.
Право на глас имаа речиси 6,4 милиони гласачи, а политичките партии мораа да освојат минимум четири отсто од гласовите за да влезат во Парламентот.
Право на глас имаа сите австриски граѓани со наполнети 16 и повеќе години, а во изборната трка учествуваа вкупно 1.476 кандидати.
Денешните избори се од предвремен карактер, а поводот за повторни избори беше мајскиот корупциски скандал поради кој австрискиот вицеканцелар Хајнц Кристијан поднесе оставка, а десничарската влада остана без мнозинство во Парламентот.
Излезните анкети на австриската државна телевизија ОРФ (ORF) покажуваат дека Народната партија освоила 37,2 отсто од гласовите, Социјалдемократската партија (SPO) 22 отсто, а Слободарската партија (FPO) 16 отсто.
Партијата на зелените освои 14 отсто, а либералната партија Нова Австрија (NEOS) освои 7,4 отсто од гласовите.
Според излезните анкети на ОРФ, распределбата на пратенички места во Федералниот парламент изгледа вака: Народната партија (OVP) 71, Социјалдемократската партија (SPO) 41, Слободарската партија (FPO) 30, Нова Австрија (NEOS) 14, Партијата на зелените 27 пратенички места.
