Израелските сили пукаа на границата со Газа: Повредени 28 Палестинци

ГАЗА (АА) - Најмалку 28 лица се повредени од истрелите на израелските сили кон Палестинците кои демонстирале во граничното подрачје на блокираниот Појас Газа, известува Анадолу.

Во соопштението на палестинското Министерство за здравство се наведува дека израелските сили пукале врз демонстрантите во близина на границата со Газа, при што се повредени 28 Палестинци, кои се префрлени во болниците во регионот.

Во нападот израелските сили користеле боева муниција, гумени куршуми и солзавец.

Палестинците во Газа веќе шест дена демонстрираат во подрачјето во близина на израелската граница во знак на протест поради нападите на екстремните еврејски доселеници на џамијата Ал Акса.

Од првиот ден на демонстрациите во источниот дел на Газа, израелската војска распореди тешко вооружени трупи и снајперисти во граничниот појас, со цел да интервенираат против демонстрантите.

Третиот ден од протестот во Газа, на 19. септември, Палестинец почина од истрели на израелските војници.