Казахстан гласаше за изградба на првата нуклеарна централа во земјата

ИСТАНБУЛ (АА) - Граѓаните на Казахстан на референдумот во неделата гласаа за изградба на првата нуклеарна централа во земјата, според прелиминарните резултати објавени денес, јавува Анадолу.

Казахстанската Централна изборна комисија на брифинг за прелиминарните резултати од референдумот објави дека одѕивот на гласачите бил 63,66 отсто, при што гласале повеќе од 7,8 милиони од 12,2 милиони граѓани со право на глас.

Се вели дека 71,1 отсто, или околу 5,5 милиони од луѓето гласале за изградба на првата нуклеарна централа во земјата, додека нешто повеќе од 2 милиони гласале против.