Меѓународниот кривичен суд доби барања од 5 држави за истрага на израелските напади на Газа

ЖЕНЕВА (АА) - Меѓународниот кривичен суд (МКС) вчера објави дека примил барање од 5 држави за истрага на израелските напади на Газа, известува Анадолу.

Препораките стигнале од од Јужноафриканската Република, Бангладеш, Боливија, Коморски Острови и Џибути, соопшти главниот обвинител на МКС, Карим Кан.

Според Римскиот статус на судот, држава може да му пријави на обвинителот ситуација за која се смета дека е извршен еден или повеќе злосторства од надлежноста на судот и да побара од обвинителот да ја истражи ситуацијата за да утврди дека еден или повеќе конкретни поединци треба да бидат обвинети за извршување на тие злосторства, објасни Кан.

Тој потврди дека неговата канцеларија веќе истражува ситуации во Палестина со истрагата што започна во март 2021 година.

Кан наведе дека тоа вклучува истражување на дејствија кои би можеле да се сметаат за кршење на Римскиот статус од 13. јуни 2014 година во Газа, на Западниот Брег и во источен Кудс (Ерусалим).

„Истрагата е во тек и го покрива растот на непријателствата и насилството од нападот на 7. октомври 2023 година. Во согласност со Римскиот статус, нашата канцеларија може да истражува злосторства извршени на територијата на државата членка и над нејзините државјани“, рече Кан.

Обвинителот рече дека на почетокот на мандатот во јуни 2021 година формирал специјален тим за напредок во истрагата за ситуацијата во Палестина.

„Како што реков за време на мојата неодамнешна посета на преминот Рафа, во согласност со својот мандат, овој единствен тим се фокусира на собирање, зачувување и анализа на информации и комуникација со клучни актери во врска со релевантните инциденти“, рече Кан.

Канцеларијата собрала „значително количество информации и докази“, рече Кан и додаде: „Продолжувам да ги охрабрувам сите оние кои имаат релевантни информации за ја контактираат мојата канцеларија.

Израел спроведува немилосрдни воздушни и копнени напади на Појасот Газа со неселективно бомбардирање на цивилни населби, станбени објекти, џамии, цркви и болници по неочекуваниот напад од страна на Хамас на 7. октомври. Оттогаш во овие израелски бомбардирања се убиени повеќе од 12.000 Палестинци, од кои над 5.000 деца и 3.300 жени, а 30.000 лица се ранети.

Илјадници згради, вклучувајќи болници, џамии и цркви, се оштетени или уништени во израелските напади.„