Министерство за одбрана на Русија: Неутрализирани 5 лица кои се обидоа да ја преминат руската граница

МОСКВА

Јужната воена област на Русија соопшти дека е неутрализирана „украинската диверзантско-извидувачка група“ од 5 лица, кои се обиделе да преминат од Украина во Русија, пренесува Агенција Анадолија (АА).

Во писменото соопштение на Јужната воена област, поврзана со руското Министерство за одбрана, се тврди дека групата што се подготвувала да ја премине границата со Русија преку Украина била спречена во тоа.

Во соопштението се наведува дека групата се обидела да го премине Ростовскиот Регион со две оклопни возила за саботажа и извидување и се додава: „Покрај возилата, неутрализирани се и 5 лица од украинската диверзантско-разузнавачка група кои ја нарушиле руската граница.“

Меѓу другото, во изјавата на руската Федерална служба за безбедност (ФСБ) се нагласува дека топовска граната испукана од Украина погодила граничен пункт во Ростовската Област.