АНКАРА
Откако во вторникот избувна експлозија на пристаништето во главниот либански град Бејрут и животот досега го загубија 137 лица, додека најмалку 5.000 се повредени, управувањето со муниција и безбедноста на магацините низ светот се наоѓаат под зголемена контрола, јавува Агенција Анадолија (АА).
Во текот на изминатите две децении, најмалку 49 инциденти на случајни експлозии однеле 2.049 животи и речиси 17.000 лица биле повредени. Податоците покажуваат дека биле оштетени и 50.000 имоти како последица на случајни експлозии.
Постојат големи инциденти на случајни и необјаснети експлозии на муниција и хемиски депонии низ светот од 2000 година.
2000 година
14 април: Пожар предизвика серија експлозии во хангар користен како простор за складирање муниција на аеродромот „Киншаса“ во Демократска Република Конго, при што загинаа 101 лице, а повредени беа повеќе од 200.
28 април: Пожар и експлозии во магацинот за муниција „Бахатпур“ во Раџастан, Индија, убија 5 лица, повредени беа 7. Инцидентот предизвика штета на 20 околни села.
13 мај: Експлозија во источниот град Енсхеде во Холандија уби 23 лица и повреди 947.
2001 година
3 март: Пожар предизвика серија експлозии во магацинот за муниција во армиската база во гвинејската престолнина Конакри, при што загинаа 10 лица.
29 април: Пожар во магацин за муниција во предградието на градот Патанкот во индиската држава Пенџаб принуди на евакуација илјадници жители и уништи повеќе од 500 тони муниција.
20 мај: Најмалку 14 лица ги загубија своите животи, додека 50 беа повредени кога експлодира муниција во Ал Бајда во Јемен.
24 мај: Пожар и експлозии уништија магацин за муниција на индиската армија во близина на градот Суратгар во државата Раџастан. Во експлозиите загина едно лице и беа повредени 5, принудувајќи на евакуација околу 3.000 луѓе од околните села.
16 август: Експлозија во магацин за муниција во јужната индиска држава Тамил Наду уби 25 и повреди 3 лица.
21 септември: Експлозија во фабрика за ѓубрива во Тулуз, Франција, уби 31 лице, а повреди 2.500. Експлозијата беше регистрирана на 3,4 степени според Рихтеровата скала, оштетувајќи околу 30.000 згради над околу две третини од градот.
25 октомври: Во повеќе експлозии загинаа 19 воени лица, а беа повредени 90 во магацинот за муниција во областа Пак Чонг на Након Рачашима во Тајланд.
2002 година
27 јануари: Експлозија во магацинот за муниција „Икеја“ во Лагос, Нигерија, предизвика повеќе од 1.100 смртни случаи, додека 5.000 лица беа повредени.
29 јануари: Експлозија во магацин за муниција во областа Пак Чонг на Тајланд, предизвика смрт кај 11 лица.
2004 година
19 февруари: Експлозија во магацин за муниција во Амритсар, Индија, ги одзеде животите на 30 лица.
22 април: Воз кој превезувал експлозиви, експлодирал во Северна Кореја. Официјалните претставници објавија дека загинале 54 лица и 1.249 биле повредени.
6 мај: Железнички автомобили натоварени со муниција експлодираат на местото за складирање на муниција во близина на Мелитопол во регионот Запорижиа во Украина, при што загинаа 5 лица, а беа повредени 300. Уништени беа и околу 300 згради.
2005 година
23 март: Протекување на јаглеводород предизвикува експлозија во рафинерија за нафта во Тексас, при што загинаа 15 лица, а повредени беа повеќе од 170.
2 мај: Незаконска муниција складирана од локалниот командант на милицијата експлодираше во Бајга, северно од главниот град на Авганистан, Кабул, при што загинаа 28 лица, а повредени беа уште 13. Уништени беа и 25 куќи во селото.
2007 година
26 јули: Експлозија во магацин за муниција во воен комплекс, што се наоѓа на околу 6 милји северно од сирискиот Алепо, уби 15 војници, а повредени беа 50.
22 март: Серија експлозии го потресоа главниот град на Мозамбик, Мапуто. Официјалните лица потврдија 93 жртви и повеќе од 300 повредени.
2008 година
15 март: Поранешен магацин за воена муниција во селото Грдец, во општина Вора, Албанија, се запали кога експертите се подготвуваа да уништат залихи на застарена муниција, убивајќи 26 лица и оштетувајќи 318 куќи.
10 јули: Експлозија во воен магацин во Каган, југоисточно од Бухара во Узбекистан, уби најмалку 3 лица и повреди уште 21 лице.
2009 година
29 април: Голема експлозија во магацинот за муниција во Мбгагла во близина на Дар ес Салам, Танзанија, уби 26 луѓе, повреди повеќе од 300 и уништи дури 7.000 домови.
13 ноември: Најмалку 120 тони артилериски гранати експлодираат во 31. Арсенал на магацинот за муниција на флотилата на Каспиското Море во близина на Улјановск во Русија, при што загинаа 10 лица.
2011 година
11 јули: Пожар во депонија за муниција кај поморската база Евангелос Флоракис во близина на Зиги, Јужен Кипар, предизвика експлозија на 98 контејнери за карго, уништувајќи ја поморската база, убивајќи 13, а повредувајќи 60 лица.
2013 година
17 април: Пожар кој се претворил во експлозија во фабриката за производство на ѓубриво во Тексас уби 15 лица, повреди над 160 и уништи над 150 згради.
2015 година
12 август: Во две експлозии во магацин во кинеското пристаниште Тијанџин загинаа 173 луѓе.
2016 година
20 декември: Експлозија во магацин за огномет кај мексиканскиот пазар „Сан Паблито“ во градот Тултепек уби 42 луѓе.
2020 година
5 јануари: Резервоар експлодира во фабриката IQOXE (Хемиска индустрија на етилен оксид) во Тарагона, Шпанија.
4 август: Експлозија во магацин во Бејрут, Либан, во која имало 2.750 тони амониум нитрат, уби најмалку 135 луѓе и повреди повеќе од 5.000.
