Ekip
09 Ноември 2017•Ажурирај: 10 Ноември 2017
БРИСЕЛ (АА) - Европската Унија призна дека развојот на настаните во Каталонија може да има негативно влијание на шпанската економија, јавува Anadolu Agency (AA).
Во своите полугодишни прогнози, Европската комисија наведе дека постои ризик идниот развој на настаните да влијае на економскиот раст, но оти поголемиот дел од какво било влијание не може да биде предвиден во овој момент.
Исто така, се нагласува дека реакциите на пазарот за притисокот за независност на Каталонија се воздржани.
ЕК предвидува дека шпанската економија ќе забележи раст од 3,1 отсто оваа година, а во наредните две години ќе биде 2,5 и 2,1 отсто, дури и без никакво влијание на ситуацијата во Каталонија.
