Облаци од чад се кренаа на небото од вулканот Тал на Филипини

АНКАРА

Облаци од чад се искачија на висина од 2,5 километри од вулканот Тал, лоциран на островот Лузон на југот на Филипините, пренесува Агенција Анадолија (АА).

Според вестите на страницата „Coconuts“, поради активноста на вулканот Тал, еден од најмалите активни вулкани во светот, алармантноста останува на трето ниво.

Набљудувачите емитуваа слики од густ облак чад што се креваше од кратерот на вулканот кон небото.

Во билтенот на филипинскиот Институт за вулканологија и сеизмологија беше споделена информација за 2,5 км високиот облак предизвикан од вулкански гас.

Во областа која е затворена, рибарите се предупредени да се држат настрана од езерото Тал, а авионите се пренасочени од летање над активниот вулкан.