Париз: Полицаец застрела три лица, а потоа се самоуби

ПАРИЗ (АА) - Француски полицаец уби три лица, а потоа изврши самоубиство во инцидентот којшто се случи минатата ноќ во Париз, пренесува Anadolu Agency (AA).

Инцидентот се случил околу полноќ во северниот дел на париската населба Сарсел, а прелиминарните резултати од истрагата покажуваат дека инцидентот се случил поради семејни несогласувања.

Весникот „Le Parisien“ (Ле Парисиен) пишува дека полицаецот со службено оружје ги застрелал мајката и таткото на својата сопруга, а потоа пукал на соседите кои се обиделе да го спречат.

Инцидентот завршил откако полицаецот извршил самоубиство во дворот на куќата.

Во инцидентот убиени се таткото на сопругата и двајца соседи, додека мајката е хоспитализирана со повреди опасни по живот.