Полска го поздрави запирањето на извозот на руски гас во Европа од страна на Украина нарекувајќи го голема победа

АТИНА (АА) - Полска денес ја поздрави одлуката на Украина да го запре извозот на руски гас преку нејзината територија како голема победа, јавува Анадолу.

„Путин потроши милијарди за изградба на Нордстрим за да ја заобиколи Украина и да ја уценува Источна Европа со закана дека ќе го прекине снабдувањето со гас. Денес Украина ја прекина неговата можност да извезува гас директно во ЕУ“, истакна полскиот министер за надворешни работи Радек Сикорски на Х.

„Уште една победа по проширувањето на НАТО со Финска и Шведска. Двете земји станаа членки на воената алијанса откако Русија ја започна својата војна против Украина во февруари 2022 година.“

Петгодишниот договор меѓу Москва и Киев за транзит на руски гас преку Украина истече денес, откако Киев одби да го продолжи договорот.

„Кога Путин стапи на позицијата претседател пред повеќе од 25 години, годишниот транзит на гас преку Украина до Европа изнесуваше над 130 милијарди кубни метри. Денес е еднаков на 0. Ова е еден од најголемите порази врз Москва“, истакна преку Х украинскиот претседател Владимир Зеленски.

Украинскиот министер за енергетика, Херман Халушченко, раскинувањето на договорот го нарече „историски настан“.