Поранешниот заменик-министер за одбрана на Русија Попов е приведен под сомнение за измама
Истражниот комитет тврдеше дека Попов бил одговорен за развојот и функционирањето на паркот „Патриот“, во кој се наоѓа руската воена опрема, во периодот од 2021 до 2024 година и дека во тоа време проневерил пари.
![Поранешниот заменик-министер за одбрана на Русија Попов е приведен под сомнение за измама](https://cdnuploads.aa.com.tr/uploads/Contents/2024/08/29/thumbs_b_c_fe89b2cf62778eefa9d4e6158ae54f88.jpg?v=164211)
МОСКВА (АА) - Поранешниот заменик-министер за одбрана на Русија, Павел Попов, е приведен под сомнение дека „ја измамил државата“, известува Анадолу.
Рускиот Истражен комитет објави дека Попов е приведен во рамките на истрагата поведена поради сомнение за измама.
Истражниот комитет тврдеше дека Попов бил одговорен за развојот и функционирањето на паркот „Патриот“, во кој се наоѓа руската воена опрема, во периодот од 2021 до 2024 година и дека во тоа време проневерил пари.
На почетокот на август поднесена е тужба против бригадниот генерал Владимир Шестеров, заменик- началник на Одделот за иновативен развој на руското Министерство за одбрана и против директорот на паркот „Патриот“, Вјачеслав Ахмедов, поради сомнение за измама.
Претходно под обвинение за поткуп беа приведени заменик-министерот за одбрана Тимур Иванов и началникот на Секторот за човечки ресурси во Министерството за одбрана Јуриј Кузњецов.
Во мај беше објавено дека е приведен и поранешниот командант на руската армија генерал-мајор Иван Попов, под сомнение за измама.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.