Продолжуваат протестите во главниот град на Грузија, Тбилиси

ТБИЛИСИ (АА) - Протестите започнаа пред два дена, а продолжуваат и денеска, како одговор на учеството на рускиот пратеник на 26. Православно меѓупартиско генерално собрание во главниот град Тбилиси, пренесува Anadolu Agency (AA).

Протестите започнаа како реакција на претседавањето со 26. Православно меѓупартиско генерално собрание на пратеникот Сергеј Гаврилов, член на Руската комунистичка партија и член на руската државна Дума. Денеска протестите влегоа во третиот ден.

Демонстрантите се собраа навечер, најпрвин пред зградата на Парламентот. Тие, тврдејќи дека пред два дена полицијата употребила прекумерна сила за растурање на демонстрантите, повторно побараа министерот за внатрешни работи да поднесе оставка.

Демонстрантите кои бараа ослободување на стотици демонстранти притворени на 20 јуни, исто така истакнаа дека сакаат да бидат казнети полицајците кои употребија пластични куршуми.

Демонстрантите реагираа на потпишувањето на декретот од страна на рускиот претседател Владимир Путин, кој привремено ги забранува руските авиокомпании да летаат во Грузија, веднаш по антируските протести во Грузија. Тие, исто така, ја повикаа Владата да води ефективна политика против Русија.

Ова утро демонстрантите маршираа од зградата на Парламентот до седиштето на владејачката партија Грузиски сон.

Собрани пред партиското седиште, демонстрантите побараа министерот за внатрешни работи да поднесе оставка до 19:00 часот.

Ако нивните барања не бидат исполнети, тие повторно ќе се соберат пред Парламентот.

По протестите, претседателот на Парламентот, Иракли Кобахидзе, ја објави својата оставка.