Путин разговараше за безбедноста на руските граници со Советот за безбедност

МОСКВА

Рускиот претседател Владимир Путин разговараше за безбедноста на границите на земјата со Советот за безбедност, пренесува Агенција Анадолија (АА).

Путин одржа состанок со членовите на рускиот Совет за безбедност.

Во изјавата пред почетокот на средбата, Путин рече дека ќе разговараат за прашања поврзани со организацијата на работата во пограничните региони на Русија.

„Има многу проблеми во однос на безбедносните и инфраструктурните прашања“, рече Путин.

- Русија достави предлози за безбедносни гаранции до САД и НАТО

Во декември 2021 година, Русија поднесе два нацрт-договори до Соединетите Американски Држави и до НАТО, кои вклучуваа предлози за различни безбедносни гаранции.

Вчера во Женева, Швајцарија, меѓу Русија и САД се одржаа разговори поврзани со безбедноста.

Состаноците на Советот НАТО - Русија ќе се одржат утре во Брисел, главниот град на Белгија, а состаноците на Организацијата за безбедност и соработка во Европа (ОБСЕ) ќе се одржат во Виена, главниот град на Австрија, на 13 јануари.