Речиси 18.500 руски војници се убиени во Украина

ИСТАНБУЛ (АА) - Украина соопшти дека речиси 18.500 руски војници се убиени во земјата додека војната навлегува во 41. ден, известува Агенција Анадолија (АА).

Генералштабот на украинските вооружени сили на социјалната мрежа Фејсбук објави дека руската армија загубила 150 авиони, 134 хеликоптери и 676 тенкови.

Најмалку 1.858 руски оклопни возила, 332 артилериски системи, 107 ракетни системи за лансирање на ракети и 55 противвоздушни системи биле уништени низ земјата разурна од војната.

Покрај тоа, руските сили изгубија и 1.322 возила, 76 цистерни за гориво и 94 дронови, се вели во соопштението.

Војната на Русија против Украина, која започна на 24 февруари, беше дочекана со меѓународен гнев, при што Европската унија, САД и Велика Британија, меѓу другите, воведоа строги санкции кон Москва.

Најмалку 1.430 цивили се убиени во Украина, а 2.097 се повредени, според проценките на ОН, а се стравува дека вистинската бројка е многу поголема.

Повеќе од 4,21 милиони Украинци, исто така, побегнале во други земји, со милиони повеќе внатрешно раселени, според Агенцијата за бегалци на ОН.