Русија: Во напад во Украина убиени се најмалку 60 странски платеници

МОСКВА (АА) - Министерството за одбрана на Руската Федерација соопшти дека руските сили во нападот изведен во Украина убиле најмалку 60 странски платеници, пренесува Анадолу.

Во соопштението се наведува дека руските сили на 16 јануари извеле напад и урнале зграда во Харков во која биле сместени странски платеници кои војувале во редовите на украинската војска.

Руското Министерство наведе дека мнозинството од убиените платеници биле Французи.

„Повеќе од 60 странски борци загинаа, а над 20 се префрлени во медицински установи“, се вели во соопштението од Москва.