Русија тврди дека ја презела контролата врз украинското населено место Роздоливка

МОСКВА (АА) - Јужната група на силите на руската војска ја презела контролата врз населеното место Роздоливка во Доњецката Област, соопшти денес руското Министерство за одбрана, пренесува Анадолу.

„Единиците на Јужната група сили ја ослободија Роздоливка во Доњецката Народна Република и окупираа повеќе поповолни позиции“, истакна Министерството.

Се наведува дека во битката биле уништени персоналот и опремата на три механизирани, две хеликоптерски и две воздушни јуришни бригади на Вооружените сили на Украина.

Според Министерството, од почетокот на „специјалната воена операција“ во февруари 2022 година уништени се вкупно 615 авиони, 276 хеликоптери, 26.777 беспилотни летала, 533 противвоздушни ракетни системи, 16.446 тенкови и други оклопни борбени возила, 1.357 повеќеракетни фрлачи, 11.020 парчиња теренска артилерија и минофрлачи, како и 23.049 воени возила.