Рускиот претседател Путин ненадејно ги посети украинските региони Луганск и Херсон

ИСТАНБУЛ (АА) - Рускиот претседател Владимир Путин ненадејно отпатува во украинските региони Луганск и Херсон, соопшти денес Кремљ, јавува Анадолу.

„Путин го посети штабот на армиската група 'Днепaр' за да разговара за ситуацијата во регионите Херсон и Запорожје“, се вели во соопштението на Кремљ.

Тој, исто така, се состана со високи офицери во седиштето на „Националната гарда на Восток“ во Луганск, се додава во соопштението.

Минатиот септември украинските сепаратистички региони Доњецк и Луганск и деловите на Запорожје и Херсон, кои се под руска контрола, одржаа референдуми за присоединување кон Русија.

Оттогаш Москва овие региони ги прогласи за дел од Русија, потег што го отфрлија Украина и меѓународната заедница.

Путин ја реализира оваа посета откако беше во градот Мариупол во Доњецк, негова прва во регионите контролирани од Русија во Украина од почетокот на војната во февруари минатата година.