Gizem Nisa Çebi Demir
21 Декември 2025•Ажурирај: 22 Декември 2025
ИСТАНБУЛ (АА) - Опсежен прекин на електричната енергија го зафати поголемиот дел од северното подрачје на Сан Франциско, САД, опфаќајќи околу 130.000 домови и деловни објекти, јавија американските медиуми, пренесува Анадолу.
Еј-би-си њуз синоќа објави дека „Pacific Gas and Electric Co.“ соопштила дека прекинот на електричната енергија, кој влијае на приближно една третина од нејзините клиенти во градот, започнал во раните попладневни часови во населението места Ричмонд, Пресидио и областите во близина на паркот Голден Гејт, пред да се прошири подалеку.
Компанијата веднаш не ги соопшти причините за прекинот.
Локалните медиуми и корисниците на социјалните медиуми објавија дека рестораните се затворени, нема улично осветлување, а божиќните декорации се неосветлени.
Одделот за управување со вонредни состојби на Сан Франциско предупреди преку американската компанија за социјални медиуми X за „значајни прекини во преносот“ низ целиот град, повикувајќи ги жителите да избегнуваат непотребни патувања.
Подоцна, противпожарните служби изјавија дека барем дел од прекинот на електричната енергија бил предизвикан од пожар во трафостаница на „Pacific Gas and Electric Co.“
До околу 16:00 часот по локално време, компанијата соопшти преку X дека ја стабилизирала електричната мрежа и не очекува дополнителни прекини, иако временските рокови за обновување остануваат нејасни.
