САД распоредија дронови „Ем-кју-9 Рипер“ во Грција

ВАШИНГТОН (АА) - Соединетите Американски Држави (САД) распоредија осум беспилотни летала „Ем-кју-9 Рипер“ во Грција на период од една година, објави Пентагон, јавува Агенција Анадолија (АА).

Дроновите се распоредени во воздухопловната база Лариса, дознава АА.

Тоа е потврдено по информациите објавени во грчките медиуми дека дроновите и нивниот персонал за поддршка се стационирани во базата од 12 ноември.

Распоредувањето е направено во рамките на договорот потпишан на 1 ноември меѓу Европската команда на САД (EUCOM) и грчката војска во согласност со Договорот за меѓусебна соработка во областа на одбраната меѓу САД и Грција.

Грчката војска соопшти дека распоредувањето е дел од напорите за подобрување на соработката со сојузничките сили и дека „ќе придонесе за интероперабилноста и одвраќањето на НАТО“.