Ekip
14 Јуни 2022•Ажурирај: 14 Јуни 2022
АНКАРА (АА) - Силниот ветер и лошото време денес ги принудија јужнокорејските власти да го одложат транспортот на вселенска ракета „Нури“ до лансирната рампа, што требаше да биде лансирана во среда, објавија локалните медиуми, пренесува Агенција Анадолија (АА).
Нури првично требаше да го направи својот втор обид за лансирање во среда во вселенскиот центар Наро во јужното крајбрежно село Гохеунг во земјата, осум месеци откако првото тестирање во октомври заврши со делумен успех, објави новинската агенција Јонхап.
„Во вселенскиот центар Наро дуваат силни ветрови и постои можност ветровите да станат посилни“, ја цитираше Агенцијата изјавата на Министерството за наука.
Министерството рече дека ќе биде тешко да се обезбеди безбедноста на работниците во такви лоши временски услови.
Лансирањето сега се очекува да се случи во четврток по консултации меѓу Владата и Корејскиот воздухопловно-истражувачки институт, се вели во извештајот.
Во октомври минатата година, Јужна Кореја го изведе своето прво автохтоно вселенско лансирање на 200 тони тешкиот Нури, кој успешно полета до целна височина од 700 километри (435 милји), но не успеа да стави лажен сателит во орбитата бидејќи неговиот мотор од трета фаза изгоре порано од очекуваното, наведува Агенцијата.
