Силните бури и торнада предизвикуваат голема штета низ САД

ИСТАНБУЛ (АА) - Големо невреме, вклучително и торнада, град и силни ветрови, ги зафатија централните и источните делови на Соединетите држави (САД) синоќа и ова утро, во кои животот го загубија три лица во Тексас, пренесува Анадолу.

Ветрови со брзина од повеќе од над 128 километри на час ги зафатија Јужните рамнини вчера, предизвикувајќи сообраќајни несреќи во Тексас, кои резултираа со најмалку три смртни случаи предизвикани од песочна бура, објави Си-Ен-Ен.

Силниот ветер кутна камиони, дрвја и далноводи, што доведе до масовни прекини на електричната енергија.

Повеќе од 130 пожари избувнаа во Оклахома, поради што се привремено евакуирани некои подрачја. Не се пријавени смртни случаи.

Гувернерите на Алабама, Канзас и Мисури прогласија вонредна состојба како одговор на заканата предизвикана од лошите временски услови и шумските пожари.

Невремето се очекува да се зајакне и да се придвижи кон југоисток, зголемувајќи ја заканата од смртоносни торнада и интензивни грмотевици во сабота навечер.

Денес постои висок ризик од силни грмотевици над делови на долините Мисисипи / Тенеси и врз југоисточниот дел, а помал ризик од силни грмотевици се очекува во недела од Среден Атлантик до југоистокот, објави Националната метеоролошка служба.