Суданките организираа протест во знак на солидарност со семејствата на убиените демонстранти

КАРТУМ

Десетици Суданки денес одржаа протест за да покажат солидарност со семејствата на демонстрантите убиени од безбедносните сили, јавува Агенција Анадолија (АА).

Суданките кои протестираа во Омдурман, збратимениот град на Картум, мавтаа со фотографии од убиените демонстранти, повикувајќи да биде спроведена правдата за извршителите на тие дејствија.

Суданските власти не дадоа коментар во врска со протестите.

Според локалните медицински лица, најмалку 63 демонстранти се убиени од военото преземање на 25 октомври во Судан, кога Војската ја разреши преодната влада на премиерот Абдала Хамдок и прогласи вонредна состојба.

Пред военото преземање, со Судан управуваше Суверениот совет на воени и цивилни претставници, кој требаше да го надгледува периодот на транзиција до изборите што се најавени за 2023 година.

Хамдок поднесе оставка на 2 јануари, шест недели откако се врати на својата функција по договорот со водачите на државниот удар. Но продемократското движење го отфрли тој договор.

Мисијата на ОН во Судан во саботата започна интрасудански политички процес олеснет од ОН во обид да ја спаси транзицијата на земјата кон демократија.