Тонга го ублажи предупредувањето за „опасно“ цунами по земјотресот со магнитуда од 7,6 степени

ВАШИНГТОН / ИСТАНБУЛ (АА) – Тонга денес го ублажи предупредувањето за „опасно“ цунами, кое беше воведено откако силен земјотрес со магнитуда од 7,6 степени го потресе Неиафу рано истиот ден, јавува Анадолу.

Геолошкиот институт на САД (USGS) соопшти дека епицентарот на земјотресот бил на 153 километри западно од Неиафу, на длабочина од 237,5 километри.

Засега нема извештаи за жртви или поголема материјална штета, иако потресот бил силно почувствуван низ целата земја.

Метеоролошката служба на Тонга го ублажи предупредувањето за цунами за неколку локации, вклучувајќи ги Вавау, Тонгатапу, Еуа, Хаапаи и Ниуас, се вели во соопштението објавено на социјалната мрежа Фејсбук.

Претходно, службата издаде национално предупредување за можно цунами, нагласувајќи дека земјотресот бил почувствуван низ целата земја.

„Опасно цунами може да се појави за неколку минути“, се вели во соопштението објавено на американската компанија за социјални медиуми Х, при што граѓаните се повикуваат итно да се евакуираат на побезбедни места.

Неиафу е втор по големина град во Тонга со население од нешто помалку од 4.000 жители. Градот е лоциран на длабоко пристаниште на јужниот брег на Вавау, главниот остров на истоимениот архипелаг во северниот дел на Тонга.