Дванаесет лица, од кои едно дете, загинаа во ракетниот напад на руската војска во украинскиот град Днепар, пренесува Агенција Анадолија (АА).
Според соопштението на државната болница на Украина, руските сили извршиле ракетен напад во Днепар.
Во соопштението се вели дека нападот предизвикал големо рушење во една зграда, а како резултат на нападот загинале 12 лица, од кои едно дете.
Се наведува дека во нападот се повредени 73 лица, и дека продолжуваат операциите за пребарување и спасување на лицата кои се заглавени под урнатините.
Се вели дека 14 од 73 повредени цивили се деца.
Украинскиот претседател Владимир Зеленски реагираше против нападот извршен во Днепар.
Тој информира дека како резултат на нападот е срушена 9-катна зграда. Зеленски го опиша овој ракетен напад како терористички напад.
Зеленски упати апел за поддршка во оружје за Украина, додавајќи дека спречувањето на руските напади може да се реализира само преку водење борба на фронтот.
Според него, над 20 ракети од околу 30 ракети што руските сили на 14 јануари ги лансирале кон неговата земја, биле уништени од страна на воздухопловните сили на Украина.
