Украина: Русија изврши напади врз енергетските објекти во пет региони

КИЕВ (АА) - Украинскиот претседател Владимир Зеленски изјави дека руската Армија извршила интензивни напади со беспилотни летала и проектили врз енергетските објекти во регионите Харков, Киев, Запорожје, Одеса и Лавов, јавува Анадолу.

Зеленски изјави дека Русија ноќта ја нападнала украинската територија користејќи повеќе од 40 проектили и околу 40 беспилотни летала од типот „Шахед“.

Тој изјави дека успеале да соборат само дел од проектилите и беспилотните летала.

Истакна дека руската Армија ги гаѓала објектите на енергетската инфраструктура на Украина.

„Извршен е уште еден грозен ракетен напад врз Харков. Цел беа објекти во Киев, Запорожје, Одеса и Лавов“, рече Зеленски.

Украинскиот Генералштаб соопшти дека украинските сили во текот на ноќта уништиле 37 беспилотни летала.

Украинскиот министер за енергетика Херман Галушченко на својот профил на социјалните мрежи изјави дека Русија повторно ја нападна енергетската инфраструктура на Украина.

„Нападнати се објектите на производниот и преносниот систем во регионите Харков, Запорожје, Лавов и Киев. Енергетските инженери работат на отстранување на последиците од нападот“, објасни Галушченко.