Франција: На видеоснимка прикажан полициски напад врз новинарите

АНКАРА (АА) - Француската полиција за немири нападна најмалку двајца новинари кои ги следеа протестите на „Жолтите елеци“ во јужниот француски град Тулуз, пренесува Anadolu Agency (AA).

Францускиот новинар на Medium.com, Николас Грегорие, кој објави видеоснимка на неговиот профил на Твитер, изјави: „Полицијата во Тулуз заплени и уништи камера. Таа ги нападна новинарите кои ја бранеа својата опрема. Од почетокот на насилството, ниту еден полицаец не беше суспендиран ниту казнет.“

Протестите на „Жолтите елеци“ во главниот француски град Париз започнаа пред пет месеци како последица на зголемувањето на цените на горивото. Сепак, демонстрациите подоцна се претворија во антивладини немири.

Во протестите досега загинаа 11 лица, а повеќе од 2.000 се повредени.

Околу 8.400 лица се уапсени во протестите, а 2.000 лица добија затворски казни.

Француската полиција за првпат во јануари распореди полуавтоматско оружје со жива муниција против демонстрантите на „Жолтите елеци“.

Претходно, поранешниот конзервативен министер Лук Фери повика на жив оган против демонстрантите на „Жолтите елеци“, кои ги нарече „насилници“.