Франција: На ѕид на џамија испишани антиисламски написи

ПАРИЗ

Антиисламски написи се испишани на ѕидот на една џамија во градот Аген кој се наоѓа во југозападниот дел на Франција, пренесува Агенција Анадолија (АА).

Според вестите на француските медиуми, на ѕидот на една џамија во Аген напишани се антиисламски написи и нацртан и симбол на крст.

Министерот за внатрешни работи, Гералд Дарманин, преку социјалните мрежи нагласи дека го осудува овој напад врз џамијата.

Тој истакна дека ваквите напади се во спротивност со вредностите на републиката, изразувајќи солидарност со муслиманите во Аген.

Исламскиот совет на Франција го осуди овој акт на пишување антиисламски написи на ѕидот на оваа џамија.