Франција: Од петок делумна забрана за напитоци со шеќер и боја

ПАРИЗ (АА) - Во училиштата и рестораните во Франција ќе бидат делумно забранети пијалаците што содржат засладувачи и вештачки бои, пренесува Anadolu Agency (AA).

Денес, во „Службен весник“ на Франција е објавена одлуката според која се забранува бесплатна дистрибуција, промоција и продажба на попуст на пијалаците што содржат засладувачи и синтетичка боја во училиштата, хотелите, одморалиштата и во рестораните.

Оваа одлука стапува на сила в петок и во рамките на забраната се опфатени сите газирани и негазирани пијалаци што содржат додатоци на шеќер и додатоци на вештачки бои.

Примената на овој закон е со цел да се стави крај на дебелината и дијабетесот, а ќе важи и за организани настани на кои во неограничени количини се служат пијалаци.

Одлуката е донесена по минатогодишната препорака од страна на Министерството за здравство и Светската здравствена организација, во рамките на борбата со дебелината кај младите.