Цирих, најголемиот град во Швајцарија, е економски и финансиски центар, но и врвна туристичка дестинација која нуди комбинација на историски знаменитости, кулинарски уживања и природни убавини, јавува Анадолу.

Овој град во северниот дел на земјата се наоѓа на бреговите на Циришкото Езеро и реката Лимат, привлекувајќи милиони посетители годишно.

Посетителите може да уживаат во прошетка низ неговиот стар град, каде што се наоѓаат историски згради што сведочат за богатото минато на овој град.

Линденхоф, некогашната римска тврдина, нуди панорамски поглед кон градот и езерото, додека посетата на Гросминстер, иконската црква на Цирих, е неизбежна за љубителите на историјата.

Мостот Мунстербруке, популарно место за фотографирање, води до Фраумунстер – црква позната по витражите на Марк Шагал.

Цирих е исто така дом на најразновидната гастрономска сцена во Швајцарија.

Од традиционални ресторани до современи гурмански места, од медитерански до егзотични специјалитети – градот е вистински рај за љубителите на храната.

Посебна атракција е Циришкиот фестивал на храната, кој ги привлекува гурманите од целиот свет.

Она што го прави Цирих уникатен е комбинацијата на урбана средина и природни убавини.

Циришкото Езеро е главната атракција – совршено за пловидба, капење или уживање на брегот.

Реката Лимат, пак, нуди идилични места за пливање, ручек или кафе-пауза.

Планината Утлиберг, која го надвишува градот, е идеално место за прошетки и рекреација.

Околу Цирих исто така популарни дестинации се и градовите Раперсвил, Винтертур и Баден.

За љубителите на чоколадото, Домот на чоколадото Линдт се наоѓа на само 15 минути од градот.

Блиску се наоѓаат и речните водопади Рајна, кои се најголеми во Европа.