Чавушоглу во посета на Северен Кипар

АНКАРА

Турскиот министер за надворешни работи, Мевлут Чавушоглу, денеска ќе ја посети Турската Република Северен Кипар (ТРСК), јавува Агенција Анадолија (АА).

„Чавушоглу денеска и утре ќе биде во работна посета на ТРСК“, се соопштува од Министерството за надворешни работи.

Чавушоглу, пред да замине за ТРСК, ќе се состане со неговиот грчки колега Никос Дендиас во Анкара.

Посетата на турскиот министер за надворешни работи доаѓа пред меѓународните разговори за долго поделениот остров Кипар, кои треба да се одржат подоцна овој месец.

На неформалниот состанок 5 + 1 за кипарското прашање, предвиден да се одржи во Женева од 27 април до 29 април, ќе учествуваат двете страни на островот, трите земји гаранти Турција, Грција и Велика Британија, како и Обединетите нации (ОН).

Дијалогот ќе биде со цел да се утврди дали постои заедничка основа за страните да преговараат за трајно решение на кипарскиот проблем.


Островот е поделен од 1974 година, кога етничките напади ги принудија кипарските Турци да се повлечат во енклави заради нивната безбедност.

Во 1974 година, државниот удар на кипарските Грци, со цел анексија кон Грција, доведе до воена интервенција на Турција како гарант за заштита на кипарските Турци од прогонства и насилство.

Турската Република Северен Кипар е основана во 1983 година.

Администрацијата на кипарските Грци влезе во ЕУ во 2004 година, истата година кога кипарските Грци го спречија планот на ОН за ставање крај на деценискиот спор.