Дресот што Марадона го носеше во финалето на Светското првенство во 1986 година, Матеус го подари во музеј

МАДРИД (АА) - Поранешниот германски фудбалер Лотар Матеус, дресот со број 10, кој го зеде од Диего Армандо Марадона во финалето на Светското првенство во Мексико во 1986 година, одиграно помеѓу Аргентина и Германија, го подари на фудбалскиот музеј што ќе биде отворен во Мадрид, пренесува Агенција Анадолија (АА).

На церемонијата одржана во Аргентинската амбасада во Мадрид, германскиот фудбалер Матеус, дресот што го зеде од Марадона, во финалето на Светското првенство во Мексико во 1986 година, одиграно помеѓу Аргентина и Германија, го подари по 36 години.

Maтеус, истакнувајќи дека отсекогаш му било голема чест да игра против Марадона бидејќи тој беше најдобар, рече: „Тој за мене е многу важен не само како фудбалер, туку и како личност. Многу е тажно што тој повеќе не е со нас, но секогаш ќе биде во нашите срца и сега ќе се одржува во „живот“ и во музејот.“

Матеус (61), едно од важните имиња на германскиот фудбал, нагласи: „Овој важен комеморативен дрес ќе има одлично место во музејот. Марадона за мене не беше само голема фудбалска легенда, туку имаше и големо пријателство меѓу нас. Тој е единствен во фудбалот и целиот свет Марадона го смета за легенда.“

Дресот со број 10 на аргентинската репрезентација, кој Марадона го носеше за време на финалето на Светското првенство, ќе биде изложен во музејот наречен „Легенди - домот на фудбалот“, изграден на Плоштадот „Пуерта дел Сол“ (Порта на Сонцето) во центарот на главниот град на Шпанија, Мадрид.

Музејот, кој е изграден со иницијатива на фудбалската колекционерска група „Легенди“ и со поддршка на шпанската Ла лига и Општина Мадрид, се очекува да биде сместен во зграда од седум ката на кои ќе бидат вклучени ресторани и забавни центри. Се планира музејот да биде отворен кон крајот на годината.