Аеродромот „Истанбул“ на врвот во Европа во јуни со 5.996.000 патници

ИСТАНБУЛ (АА) - Аеродромот „Истанбул“ е на прво место меѓу европските аеродроми со 5.996.000 патници во јуни, пренесува Агенција Анадолија (АА).

Советот за аеродроми во Европа (ACI Europe) го објави извештајот за воздушниот сообраќај за вториот квартал од оваа година.

Според извештајот, патничкиот сообраќај на аеродромите во Европа е зголемен за 247 отсто во првите шест месеци од 2022 година во споредба со истиот период од претходната година, додека Аеродромот „Истанбул“ е аеродромот којшто покажа најдобро закрепнување во споредба со 2019 година.

Аеродромот во Истанбул, како што пишува во извештајот, во јуни го зголемил бројот на патници за 115,4 отсто во однос на истиот период од претходната година.

Аеродромот „Истанбул“ се наоѓа на врвот меѓу европските аеродроми со 5.996.000 патници во јуни. По аеродромот „Истанбул“ следуваат аеродромите во Лондон, Париз, Амстердам, Франкфурт, Мадрид и Барселона.

Од друга страна, аеродромот во Анталија се најде на осмото место на листата со 3.911.000 патници.