Акар: „Турција отвори центар за управување со операциите источно од Еуфрат“

ШАНЛИУРФА (АА) - Турскиот министер за одбрана и шеф на генералниот персонал, Хулуси Акар, денеска го отвори центарот во југоисточната област Шанлиурфа кој би управувал со можната воена операција против терористите источно од реката Еуфрат во Сирија, јавува Anadolu Agency (AA).

Хулуси Акар и генералот Јашар Ѓулер извршија контрола на турските сили распоредени долж сириската граница Шанлиурфа.

Зборувајќи на церемонијата на инаугурација, Акар изјави дека Турција е во потрага по терористи со воздушна операција што започна денеска во Северен Ирак.

Во друга операција, пред три дена, Акар нагласи дека водачите на ПКК тешко настрадале.

„Ова ќе продолжи. Никој не треба да се сомнева во тоа“, додаде турскиот министер.

Акар изјави дека плановите на Турција и подготовките за можната операција источно од реката Еуфрат во Сирија се завршени.

Турција нагласи дека нема да дозволи формирање терористички коридор долж нејзината јужна граница со Сирија, и за таа цел најави антитерористичка операција источно од Еуфрат во Сирија.

Очекуваната операција ќе следува по двете успешни турски антитерористички операции во Сирија од 2016 година, операциите „Штитот на Еуфрат“ и „Маслинова гранка“.